ٿڌاڻي، ڏيئومل گاگن مل: مشهور ليکڪ ۽ صحافي ڏيئو مل گاگن مل ٿڌاڻيءَ 1863ع ۾ حيدرآباد ۾ جنم ورتو. حيدرآباد ۾ ئي سنڌيءَ ۽ سنسڪرت جي تعليم حاصل ڪيائين. هو انگريزيءَ جو به چڱو ڄاڻو هو. ان ڪري کيس هيرانند اڪيڊميءَ ۾ پڙهائڻ لاءِ رکيو ويو. جتي هن انگريزيءَ ۽ سنسڪرت جي تعليم ڏيڻ شروع ڪئي. هي هفتيوار
”ديش سڌار“ جو ايڊيٽر به رهيو.
1897ع ۾”رام نواس“ نالي هڪ ڊرامو لکيائين، جنهن ڏاڍي مقبوليت ماڻي. جيتوڻيڪ ان ڊرامي جو بنيادي مقصد مذهبي پرچار هو، پر ان هوندي به سنڌي ادب ۾ اضافي جو ڪارڻ هو. ڊرامي ۾ گيت ۽ نظم به شامل هئا. ٿڌاڻي ڏيئو مل 1913ع ۾ حيدرآباد شهر ۾ ئي گذاري ويو .
1963.00.00 عيسوي
ڏيئومل گاگن مل: مشهور ليکڪ ۽ صحافي ڏيئو مل گاگن مل ٿڌاڻيءَ 1863ع ۾ حيدرآباد ۾ جنم ورتو .
1913.00.00 عيسوي
ٿڌاڻي ڏيئو مل 1913ع ۾ حيدرآباد شهر ۾ ئي گذاري ويو .